काठमाडौं । पूर्वराजा ज्ञानेन्द्र शाह आगामी आइतबारदेखि २ हप्ताका लागि भारत भ्रमणमा निस्कने भएका छन । उनले नयाँदिल्ली र चण्डीगढको भ्रमण गर्ने कार्यक्रम रहेको छ । पूर्वराजा ज्ञानेन्द्रसँगै पत्नी कोमल र परिवारका केही सदस्य भ्रमण टोलीमा रहनेछन ।
काठमाडौं । पूर्वराजा ज्ञानेन्द्र शाह आगामी आइतबारदेखि २ हप्ताका लागि भारत भ्रमणमा निस्कने भएका छन । उनले नयाँदिल्ली र चण्डीगढको भ्रमण गर्ने कार्यक्रम रहेको छ ।
पूर्वराजा ज्ञानेन्द्रसँगै पत्नी कोमल र परिवारका केही सदस्य भ्रमण टोलीमा रहनेछन । पूर्वराजाको यो भ्रमण नितान्त नीजि र पारिवारिक बताइएपनि भ्रमणका क्रममा केही महत्वपूर्ण ब्यक्तिहरुसँग भेटघाट हुने बताइएको छ । यहीबीच केहीले दिल्लीमा कालिबाबा आश्रममा जारी महामृत्युञ्जय महायज्ञमा पूर्वराजा सहभागि हुने अनुमान पनि गरेका छन । तर स्रोतले भने त्यसको पुष्टि गरेको छैन ।
पूर्वराजा ज्ञानेन्द्र फागुन ४ गते आइतबार भारत प्रस्थान गरि १८ गते स्वदेश फर्कने कार्यक्रम रहेको छ ।
यसैबीच पूर्वराजा २ महिनाको झापा दमक बसाईपछि आज साँझ काठमाडौं फर्कदैछन । गत मंसीर २० गतेदेखि झापामा बसेका उनीसहित परिवारका अन्य सदस्यले भारत पश्चिम बंगालका केही स्थानहरुको भ्रमण गरेका थिए ।
पूर्वराजा यो पटक लामो समयसम्म झापामा बस्दा पनि कसैसंग भेटघाट नगरेको स्रोतले जानकारी दिएको छ ।