चौतारा । बलेफि गाउँपालिका ५ मा आज भईरहेको काँग्रेसको निर्वाचनमा महिला संघी अध्यक्ष गीता नेपालले माइन्युट च्यातेर हिडेकी छिन् । 

नेपाललाई हराउन भन्दै केन्द्रीय सदस्य मोहन बहादुर बस्नेतले ईकाई सभापति कृष्णभक्त नेपाललाई प्रयोग गरि विधान विपरीत कार्य गरेपछि नेपालले  निर्वाचनको माइन्युट च्यातेकी हुन् ।

विधानत ५ बजे पछि निर्वाचन प्रक्रिया गर्न नमिल्ने व्यवस्था हुँदाहुँदै निर्वाचन अधिकृतलाई ईकाई सभापतिले दबाब दिएपछि ५ बजेपछि निर्वाचन प्रक्रिया सुरु गरिएको थियो ।

विधानसम्वत अधिवेशन नभएको भन्दै माइन्युट च्यातेका नेपालले बताईन् ।राजनीतिमा महिला सहभागिता एकदमै कम रहेको समयमा सिन्धुपाल्चोकमा आज भएको काँग्रेस अधिवेशनमा धेरै ठाउँमा महिला प्रतिनिधिबीच निर्वाचन गराईएको छ ।

महिलालाई हराउन निर्देशन दिँदै बस्नेतले धेरै ठाउँमा राजनीतिमा सक्रिय महिलालाई पाखा लगाउन ईकाई सभापतिहररुलाई दबाब दिएका थिए।

बलेफि ५ मा पनि गीतालाई हराउन उनकै दाजु कृष्ण भक्त नेपाल प्रयोग गरिएको थियो । निर्वाचन गर्ने भए सबै पदमा गरौ नत्र महिलामा मात्रै किन भन्दा भन्दै उक्त वडामा नेपाललाई हराउनकै लागि निर्वाचन गरिएको थियो।

 उक्त प्रक्रियाको अन्त्य नहुँदै नेपालले माइन्युट च्यातेकी छिन् ।  नेपालले माईन्युट च्यातेपछि उक्त वडामा ६ बजेपछि पुन मतदान गरिएको छ । जिल्ला निर्वाचन अधिकृतलाई उक्त स्थानको निर्वाचन स्थगित गराउन भनेपनि  जबरजस्ती एकलौटी रुपमा मतदान भएको छ ।

नेपालले सिन्धुपाल्चोकलाई डडेलधुरा हुन नदिने बताएकी छिन् । म क्षेत्रीय प्रतिनिधि नआए केही हुन् तर पार्टीमा बस्नेतको नांगो हस्तक्षेप स्विकार गर्न नसक्ने उनले बताईन् । यो मेरो लडाइँ विधि र प्रक्रिया विरुद्धको हो,कोही व्यक्ति बलियो हुन पार्टी कमजोर पार्न दिन्न उनले भनिन् ।

गीतालाई हराउन बस्नेतको निर्देशनमा अन्य दलकालाई समेत क्रियाशील बाँडिएको थियो ।