Hamro Khabar

'द भ्वाइस अफ नेपाल’ का विजेता गजमेरलाइ नेपाल प्रवेश राेक

बुधबार, आश्वीन १३ २०७८

‘द भ्वाइस अफ नेपाल’का विजेता किरण गजमेरलाई गृह मन्त्रालयले नेपाल प्रवेशमा रोक लगाएको छ। सोमबार नेपाल आएका उनी विमानस्थलबाटै अमेरिका फर्किएका हुन् ।

काठमाडौं । ‘द भ्वाइस अफ नेपाल’का विजेता किरण गजमेरलाई गृह मन्त्रालयले नेपाल प्रवेशमा रोक लगाएको छ। सोमबार नेपाल आएका उनी विमानस्थलबाटै अमेरिका फर्किएका हुन् । गत सोमबार (असोज ११ गते) कतार एयरको क्युआर ६५० नम्बरको उडानबाट नेपाल आएका थिए। सोही दिन त्रिभुवन अन्तराष्ट्रिय विमानस्थलस्थित अध्यागमन कार्यालयले त्यहीबाट उनलाई अमेरिका फिर्ता पठाइदिएको थियो ।

उनी अमेरिकी नागरिक हुन् । एक प्रवेशाज्ञा (भीसा) वर्षमा अमेरिकी नागरिकहरुले १ सय ८० दिन मात्र नेपाल बस्न पाउँछन् । गजमेरले नेपाल बस्न पाउने अवधि गुजारी सकेकाले अध्यागमनले उनलाई नेपाल प्रवेशमा रोक लगाएको हो । गजमेर सन् २०२१ भर नेपाल आउन पाउँदैनन् उनले सन् २०२१ मा नेपाल बस्न पाउने अवधि गुजारिसकेका छन् ।

अब गजमेर सन् २०२२ मा मात्र नेपाल प्रवेश गर्न पाउनेछन् ।

‘द भ्वाइस अफ नेपाल’ को तेस्रो संस्करणका विजेता गजमेर भुटानबाट विस्थापित भएपछि परिवारसहित झापाको शरणार्थी शिविरमा बस्दै आएका थिए। संयुक्त राष्ट्रसंघले भुटानी शरणार्थीका लागि तेस्रो मुलुक पुर्नवास कार्यक्रम सुरु गरेपछि गजमेर अमेरिका गएका थिए ।