राष्ट्रपति विद्यादेवी भण्डारीले नवरात्रको महत्वपूर्ण महाअष्टमी पर्वका अवसरमा काभ्रेपलाञ्चोकको पाँचखाल नगरपालिका– ९ स्थित पलाञ्चोक भगवती मन्दिरमा मन्दिर दर्शन तथा पूजापाठ गरेकी छिन् ।
राष्ट्रपति विद्यादेवी भण्डारीले नवरात्रको महत्वपूर्ण महाअष्टमी पर्वका अवसरमा काभ्रेपलाञ्चोकको पाँचखाल नगरपालिका– ९ स्थित पलाञ्चोक भगवती मन्दिरमा मन्दिर दर्शन तथा पूजापाठ गरेकी छिन् ।
बुधवार विहान पाँचखाल पुगेर राष्ट्रपति भण्डारीले शक्तिस्वरुपा पलाञ्चोक भगवतीको पूजा आराधना गरेकी हुन् । त्यसक्रममा राष्ट्रपति भण्डारीलाई काभ्रेका स्थानीय प्रशासनका अधिकारीहरु, पाँचखाल नगरपालिकाका पदाधिकारी एवं स्थानीयले स्वागत गरेका थिए । मन्दिर दर्शन र पूजा अर्चना पछि मन्दिरका मूल पुजारीबाट राष्ट्रपतिले प्रसाद ग्रहण गरेकी थिइन् ।
यसैगरी राष्ट्रपति भण्डारी बुधवार साँझ काठमाडौंको गुह्येश्वरी मन्दिर गएर भगवतीको पूजा उपासना गर्ने कार्यक्रम रहेको छ । हरेक वर्ष महाअष्टमीका अवसरमा राष्ट्राध्यक्षले गुह्येश्वरीको दर्शन गर्ने धार्मिक परम्परा अनुसार भण्डारी उक्त मन्दिर जान लागेकी हुन् ।