Hamro Khabar

राष्ट्रपतिबाट विजयादशमीको शुभ साईतमा टीका ग्रहण

हाम्रो खबर शुक्रबार, आश्वीन २९ २०७८

राष्ट्रपति विद्यादेवी भण्डारीले विजयादशमीका अवसरमा शुक्रबार आमा मिथिला पाण्डेका हातबाट बिहान १० बजेर २ मिनेटको शुभसाइतमा टीका ग्रहण गरेकीस छिन् ।

राष्ट्रपति भण्डारीले राष्ट्रपति कार्यालय, शीतल निवासमा आमाबाट विजयादशमीको टीका र जमराका साथै आशीर्वाद ग्रहण गरेकी हुन् । त्यसैगरी राष्ट्रपति भण्डारीले शुक्रबार हनुमान ढोकाका मूल पूजारी देवराज अर्यालबाट पनि टीका ग्रहण गरेकी थिइन् । सो अवसरमा राष्ट्रपति भण्डारीलाई विभिन्न शक्तिपीठका गुरुहरुले प्रसाद प्रदान गरेका थिए । सो अवसरमा राष्ट्रपति भण्डारीले परिवारका सदस्यहरुलाई पनि टीका लगाइदिएको राष्ट्रपतिको कार्यालयले जनाएको छ ।

यसपटक पनि कोरोना महामारीको जोमिखलाई मध्यनजर गर्दै राष्ट्रपतिले सर्वसाधरणलाई भने टीका नलगाइदिएको शितल निवासले जानकारी दियो । कोभिड महामारीको जोखिमका कारण अघिल्लो वर्षझैँ यस वर्ष पनि राष्ट्रपति र प्रधानमन्त्रीबाट सर्वसाधरणलाई टीका लगाउने कार्यक्रम स्थगन गरिएको छ ।