Hamro Khabar

थप ३०८ जनामा कोरोना संक्रमण, तीन जनाकाे मृत्यु

हाम्रोखबर बिहीबार, मङ्सिर ९ २०७८

बिहीवार थप ३०८ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा कोरोना संक्रमणका कारण थप ३ जनाको मृत्यु भएको छ ।

बिहीवार थप ३०८ जनामा कोरोना भाइरसको संक्रमण पुष्टि भएको छ ।

पछिल्लो २४ घण्टामा ७ हजार १ सय ४ जनाको पीसीआर परीक्षण गर्दा २८१ जनामा र १ हजार ८ सय ५ जनाको एन्टिजेन परीक्षण गर्दा २७ जनामा गरी ३०८ जनामा भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ । बिहीवार थप २९८ जना निको भएका छन् । योसंगै संक्रमणमुक्त हुनेको संख्या ८ लाख १ हजार ४२० पुगेको छ ।

पछिल्लो २४ घण्टामा कोरोना संक्रमणका कारण थप ३ जनाको मृत्यु भएको छ । योसँगै नेपालमा कोरोनाबाट ज्यान गुमाउनेहरुको संख्या ११ हजार ५१६ पुगेको छ । मन्त्रालयका अनुसार हाल देशभर सक्रिय संक्रमितको संख्या ७ हजार ३४९ रहेको छ ।

अहिलेसम्म देशभर संक्रमितको कूल संख्या ९ लाख १५ हजार ७०९ पुगेपनि संक्रमितमध्ये ९७ दशमलब ७ प्रतिशत निको भैसकेको मन्त्रालयको तथ्यांक छ ।