मंगलवार पोखरा रंगशालामा भएको प्रतिस्पर्धात्मक खेलमा थ्रि स्टार क्लबलाई १–० गोल अन्तरले पराजित गर्दै नेपाली सेनाको त्रिभूवन आर्मी शीर्ष चारमा प्रवेश गरेको हो ।
पोखरा । विभागीय टीम त्रिभूवन आर्मी क्लब पोखरामा जारी आहा रारा गोल्डकपको सेमिफाइनलमा प्रवेश गरेको छ ।
मंगलवार पोखरा रंगशालामा भएको प्रतिस्पर्धात्मक खेलमा थ्रि स्टार क्लबलाई १–० गोल अन्तरले पराजित गर्दै नेपाली सेनाको त्रिभूवन आर्मी शीर्ष चारमा प्रवेश गरेको हो । अन्तिम क्वार्टरफाइनलमा आर्मीलाई जित दिलाउन राजीव गुरुङले निर्णयक गोल गरे । पहिलो हाफ गोलरहित बराबरीमा सकिएको खेलको ७० औं मिनेटमा राजिवले गरेको एकमात्र गोल नै प्रतियोगिताको निर्णायक गोल बन्न पुग्यो । जितसंगै आर्मीले सेमिफाइनल यात्रा तय गरेको छ । अब उसले फाइनल प्रवेशका लागि पोखरेली टोली मनाङ मर्स्याङ्दी क्लबको सामना गर्नेछ ।
अर्को सेमिफाइनलमा भने सशस्त्र प्रहरीको एपीएफ क्लब र राष्ट्रिय लिगको शीर्ष स्थानको मच्छिन्द्र क्लबबीच प्रतिस्पर्धा हुनेछ ।