Hamro Khabar

कर्मचारी समायोजन प्रक्रिया टुंगियो, तीन तहमा १ लाख ३७ हजार दरबन्दी स्वीकृत

हाम्रोखबर बिहीबार, चैत्र १४ २०७५

काठमाडौं । सरकारले संघ, प्रदेश र स्थानीय तहमा कर्मचारी समायोजनको प्रक्रिया टुंगोमा पुगको घोषणा गरेको छ । संघीय मामिला ताथा सामान्य प्रशासन मन्त्रलयले बिहीबार मन्त्रालयमा पत्रकार सम्मेललन गरी यस्तो घोषणा गरेको हो ।
सो मन्त्रालयले तीव वटै तहमा कर्मचारी समायोजन गरिएको उल्लेख गर्दै यो प्रक्रिया अन्तरगत कुल १ लाख ३७ हजार ६ सय १४ कर्मचारीको दरबन्दी स्वीकृत भएको छ भने त्यसमा ९७ हजार ५ सय ८८ कर्मचारीको समायोजन गरिएको जानकारी दिएको छ ।
मन्त्रालयका अनुसार संघमा ४८ हजार ४ सय ९ दरबन्दी स्वीकृत भएकोमा ३९ हजार ९ सय ६० कर्मचारी समायोजन गरिएको छ । सातवटै प्रदेश गरेर २२ हजार २ सय ९७ दरबन्दी स्वीकृत भएकोमा १३ हजार ८ सय २१ कर्मचारी समायोजन गरिएको छ । यस्तै ७५३ स्थानीय तहमा ६६ हजार ९ सय ८ दरबन्दी स्वीकृत भएकोमा ४३ हजार ८ सय ७ कर्मचारी समायोजन गरिएको छ ।