काठमाडौं । गायिका आस्था राउतविरूद्ध अभद्र व्यवहार मुद्दाको जाहेरी काठमाडौं प्रहरीमा दर्ता भएको छ। प्रहरी जवान रमिसा श्रेष्ठले दिएको अभद्र व्यवहार कसुरअन्तर्गतको जाहेरी आइतबार महानगरीय प्रहरी परिसर काठमाडौंले दर्ता गरेको हो। गायिका राउतमाथि कारबाही गर्न प्रहरी जवान श्रेष्ठले दिएकी हुन । जाहेरी दर्तासँगै प्रहरी राउतको खोजीमा जुटेको तर गायिका राउत फरार रहेको परिसर प्रमुख एसएसपी उत्तम सुवेदीले बताए ।
काठमाडौं । गायिका आस्था राउतविरूद्ध अभद्र व्यवहार मुद्दाको जाहेरी काठमाडौं प्रहरीमा दर्ता भएको छ। प्रहरी जवान रमिसा श्रेष्ठले दिएको अभद्र व्यवहार कसुरअन्तर्गतको जाहेरी आइतबार महानगरीय प्रहरी परिसर काठमाडौंले दर्ता गरेको हो।
गायिका राउतमाथि कारबाही गर्न प्रहरी जवान श्रेष्ठले दिएकी हुन । जाहेरी दर्तासँगै प्रहरी राउतको खोजीमा जुटेको तर गायिका राउत फरार रहेको परिसर प्रमुख एसएसपी उत्तम सुवेदीले बताए ।
अभद्र व्यवहार कसुरको मुद्दा प्रमुख जिल्ला अधिकारीले हेर्ने व्यवस्था छ । यसमा दोषी भेटिए एक वर्षसम्म कैद र जरिवाना हुने व्यवस्था छ ।
बुधबार त्रिभुवन अन्तर्रा्ष्ट्रिय विमानस्थलमा प्रहरी जवान श्रेष्ठमाथि दुर्व्यवहार गरेको प्रतिवेदनमाथि अनुसन्धान तथा कारबाही गर्न काठमाडौं परिसरलाई निर्देशन दिइएको थियो।
माघ १ गते राउत भद्रपुर जाने क्रम यो घटना भएको थियो। बुधबार राउत भद्रपुर जाने क्रममा मध्यान्ह विमानस्थलमा पुगेकी थिइन्। सो क्रममा उनी आन्तरिक टर्मिनलको एक्सरेमा छिर्दा रातो बत्ती बलेपछि सुरक्षाकर्मीले ज्याकेट फुकाल्न लगाएका थिए।
मेटल डिटेक्टिभ एक्सरेले रातो देखाएपछि सुरक्षाकर्मीले पुनः चेकजाँच गर्छन्। यसक्रममा राउत झोक्किएर ज्याकेट फुकाल्दै एक्सरे मेसिनमा हालेकी थिइन्।
यसक्रममा राउतले प्रहरी कर्मचारीलाई केहीबेर गाली गरेकी थिइन्।
प्रहरीले विमानस्थलमा भएको घटनाको सिसिटिभी फुटेज सार्वजनिक गरेपछि गायिका राउतले फेसबुक लाइभमा माफी मागेकी थिइन्।